البوصلة

اتخرجت من كلية تجارة عين شمس شعبة محاسبة، واشتغلت في مجالات كتير قبل ما توصلني تحديات الحياة لرحلة طويلة قدرت من خلالها أرجع لنفسي اللي كنت تهت عنها سنين، وأتصالح معاها وأفهمها وأحتويها، ولمست أثر الرحلة دي على حياتي من جوه ومن بره.

اهتميت بمجال العلاج والإرشاد النفسي من سنين، وحبيت أنقل كل اللي اتعلمته من مهارات وأدوات ورؤى غيرت نظرتي لكل حاجة. وبعد مدة قررت أدرس عشان أقدر أساعد بشكل أفضل وأكون واثقة أكتر من اللي بقدمه وطريقة تقديمه.

خلال عشر سنين قدمت دعم عن طريق جلسات مشورة واستشارات نفسية وبرامج تدريبية وورش عمل ومجموعات دعم، وبنيت مجتمع من المهتمين بصحتهم النفسية وتطوير ذاتهم وتحسين جودة حياتهم.